انواع ضمور العضلات

اعرفك بان ضمور العضلات كله وراثي حتي لو الام والاب غير مصابين بضمور العضلات لكن ضمور العضلات ياتي للاولاد عندما يكون الاب والام معا حاملين لجين المرض ولابد ان يكون الاثنين الاب والام حاملين لجين المرض حتي يصاب به الاولاد الدكتور قالي ممكن ييجي المرض بهذه الطريقه فقط وهو نوعين فقط وليس كما يقول الناس الان بانه اكثر من نوع الاول يتوقف الجسم نهائيا عن انتاج البروتين الذي يغذي العضلات في سن مبكره فتضعف العضلات سريعا ويؤدي للموت سريعا في عمر من 14 سنه حتي 30 سنه وهذا النوع يسمي دوشين اما النوع الثاني فينتج الجسم البروتين المغذي للعضله ولكن بكميه بسيطه لا تكفي العضله علي العمل بصوره طبيعيه وتتدهور العضله ولكن في فتره اطول تنحصر من ظهور المرض الي عمر 50 سنه او 55 او 60سنه حسب العلاج ان كنت تتناوله باستمرار ام لا ويسمي هذا النوع ببيكر وتلاحظ ان هناك فرق في الضمور بين انسان واخر وذلك يرجع للعلاج والحرص علي تناول العلاج باستمرار دون انقطاع مع الحركه الدائمه

حكايتي مع الحياه

انا اسامه المليجي ترتيبي في اخواتي الرابع من خمسه الاخ الاول سليم والاخت الي بعده مريضه بضمور العضلات بيكر والاخ الي بعده سليم وانا الرابع مريض بضمور العضلات بيكر والاخت الاخيره سليمه عند ما وصلت اختي المريضه لسن 12 سنه اكتشفنا المرض والدكتور قال ان لازم يكون فيه حد تاني في الاخوات مريض مثلها شافنا كلنا وعرفنا ان انا هيكون عندي مثلها تخيل تشوف مستقبل صحتك في الي بيحصل لاختك من تدهور امام عينك المهم كبرت واتعلمت بكالريوس تجاره محاسبه اسكندريه وانا في الكليه كان فارق مع زمايلي الحركه والجهد فصممت اكون احسن واحد فيهم اتعلمت الخياطه بنطلون قميص بدله صيفي بدله شتوي حتي القفطان وكان الفضل في تعليمي الخياطه اخي في الترتيب رقم3 واشتغلت وحوشت فلوس حلوه وشاركت علي عربيه اجره وواحده واحده اتجوزت في سنه 94 في سنه الجواز بعت نصيبي في العربيه وفتحت مكتبه وقبل كل ده في سنه 89 عملت شهاده تاهيل واشتغلت محاسب في حسابات مجلس المدينه واتفوقت علي الكل في الاداره لدرجه ان هما معتمدين عليا ومقدروش يستغنو عني رغم ان انا ما بقدرش اطلع السلم وبباشر عملي وانا قاعد في السياره ومرت سنه من جوازي وربنا رزقني بهدير وكنت فاتح المكتبه وفي نفس الوقت شغال ترزي في دكان غير الشغله التالته محاسب في الحسابات ما اكتفتش علي كده كنت ببيع حاجات لزمايلي في الشغل وكمان في سنه 95 فتحت منحل عسل نحل بس ماكنتش باعمل فيه حاجه كان فيه واحد بيتابع المنحل وبعد 3 سنين من الزواج ربنا رزقني باحمد وكمان عربيه والحمد لله غيرتها تاني ومعايا العربيه دلوقتي دايو نوبيرا تو هدير دلوقتي 3 صيدله واحمد3ثانوي مخلصين علي فلوسي كلها الحمد لله وصحتهم الحمد لله كويسه والدواء الي استمريت عليه مقطعتهوش فيتامين اي1000 وحقن فيتامين ب12مركب واي مكملات غذائيه تظهر اخدها والحمد لله عمري 53 سنه ولسه بمشي بس بطئ بسيط ومستني العيال يخلصو تعليمهم وجوازهم قبل ما اتكل علي الله واروح مشواري الاخير الي كلنا رايحينو باذن الله وناسف للاطاله نسيت حاجتين اقولها الاولي ان اختي المريضه المرض زاد علها جامد مكنتش بتاخد فيتامينات ودخل المرض علي الرئه وتوفاها الله والثانيه ان ربنا رزقني بزوجه ايه في الاخلاق والادب والتدين والصبر والاحتمال والجلد وحسن التصرف هي مدرسه ثانوي شايله عني حجات كتير في ميزان حسناتها ان شاء الله ربنا يبارك فيها

حل ازمه الدولار

البنك المركزي افاق من سباته العميق واصدر قرارين من افضل القرارات التي اتخذها منذ زمن بعيد ليجابه تصاعد قيمه العملات في مقابل الجنيه المصري
1-  السحب والايداع في البنوك بالدولار بدون حد اقصي للافراد
2- السحب والايداع في البنوك بالدولار بدون حد اقصي للشركات 
وارجو من القائمين علي اتخاذ القرارات ان يتابعو ذلك بقرارات اخري تجعل هناك وفره للدولار في السوق المصري ومن هذه القرارات .
- وقف استيراد جميع السلع الاستفزازيه كاكل الكلاب واكل-----
- اعطاء المستثمر الارض بظهير صحراء كل محافظه بالمجان مقابل حق انتفاع علي ان ينشأ مصنعه في خلال مده من سنه الي سنتين ويكون صناعه غير استهلاكيه ومن حقه اخذ ارباح مشروعه اي طمئنته بان دولاراته في جيبه
- تحصيل رسوم قناه السويس بالجنيه المصري لخلق طلب صوري علي الجنيه في السوق الخارجيه والداخليه ليرتفع قيمته عالميا ناس تقول ان احنا عايزين دولارات اقوله صاحب السفينه سيضطر من شراء الجنيه المصري من السوق المصري بالدولار وبذلك نحصل علي الدولار وفي نفس الوقت نخلق طلب جديد علي الجنيه المصري
-القرار الاول والاخير الحريه حريه ابداء الرأي حتي ولو مخالف لرأي الاغلبيه فهذا يعطي الامن والامان لكل فرد في المجتمع ولكل شخص متخذ قرار ان يتذكر المقوله المشهوره دعه يعمل دعه يمر وللحديث بقيه